29 saal ka hu aur ab mere kamre me hr cheez apne jagah pr milti hai.waqt badal rha tha aur adat bhi. Meri shaadi ko 9 saal ho chuke hai.
Maine apni family aur dosto ko sachai bta rakhi thi apne baare me.jiski wajah se mere gharwale mere liye ladka dhundh rhe the….
Meri shaadi se pahle meri mammi kahti thi ki shaadi ke baad apna samaan faila kr Mt rakhna.
Maao ke paas bhavisya dekhne ki taqat hoti hai shayad…ma ne bahut kuch shikhaya tha mujhe meri shaadi se pahle…
Shaadi ke baad maine kisi ke baare me apne aap se pahle sochna seekh liya tha.apne roothe pati ko manana seekh liya tha ek achcha pita bnana seekh liya tha aur rote hue bhi hasna seekh liya tha….
Pr aaj nisant ke school aur rahul ke office ke Jane ke baad yahi Rahul ki study table pr baitha tha.mere samne pen pepar aur ek zehar ki sheeshi thi.jo bahut Dino se maine taad rakhi thi aur aaj is dophar use lekar baitha tha…
Is dophar ki kahani kai kai dophar pahle shuru hui thi.
Papa ka transfer hua tha kanpur dada ke ghr jaisa bada nhi tha ye 2 bhk flat me rahna seekh liya.dada ke ghr ke bageeche me tahlta tha pr yahan chhoti si balcony me jagah hi nhi thi itni…yahan peeche foolo ki kyariya nhi thi the to bs gamle….
Bahut kuch naya seekh liya tha ab mai yahan purane mohalle ki tarah chachi nhi aunty kahna seekh liya tha cycle se darta tha pr ab mai mopet chalana seekh liya tha.
Kanpur ke collage ki parking me mopet khadi krte waqt peeche se gadi ne horn diya dekha to raman tha hmse ek saal senior tha wo joint secretary tha aur collage president bnana chahta tha log use jante to the…kyunki chhote seharo me dancing aur singing realty shows me hissa liye celebrities to nhi hote the…
yahi collage me Jane maane chehre hote the.aur inki duniya inhi ke ird gird hoti thi….
Aur raman hazar tareeko se jatata tha ki he likes me..thoda dabang type tha pr achcha tha…
Swastika tea staal me chai uthate waqt hath hm dono ke takra hi gye.tb se to milna julna shuru ho gya…
Dosto ne kaha bhi tha ki kisi anjaan se itna milna aur ma ne bhi ajnabi se baat krne se mna Kiya tha….
Pr raman anjaan nhi tha wo to mujhe janta tha achche se…
Dheere dheere hm logo ka yun bike me ghumna park me haath me hath daal kr talhana hm logo ki nazaro me aa rhe the.pr raman ko koi farq nhi padta tha dheere dheere sbko pta chal rha tha.
Raman nayi black color ki bike laya tha wo chahta tha sbse pahle mai baithu.hm bike pr baithe aur library ke samne se hote hue nikal gye.logo ke kaan hote hai aur ankhe to jarur hoti hai…
Ye baat ma ke satsang me ek aurat pta chali…
Shaam ko ghr aaya to maa ne itne zor se kaan kheeche to rona aa gya…
ma ne ek sauda kiya ki wo papa ko kuch nhi btyengi mai raman se milna chhod du.papa waise mere aise hone se pareshan the aur pareshan nhi Krna chahta tha unhe…
Raman fir mujhse milne ki koshish krta phone krta mai kahunga deti wo mandir gya hai wo paglo ki tarah hr mandir me mujhe dhundhta.
Ek din ghr ka nmbr change ho gya aur pta chala us din ke baad wo pyaar nhi mujhse nafrat krne lga tha. Bura admi bn gya tha bahut bura…
Graduatetion complete hue do saal ho gye the aur ab raman se milna chhod diya tha.rota tha bahut pr papa ke samne dikhata tha khush hu pr nhi tha mai us din raha nhi gya to raman ko phone kr ke kah diya mai ab nhi milunga tumse.raman khamosh tha fir kaha please ek akhiri baar mil lo seemant bs ek akhiri baar city heart guest house ke restautrent me.
Mai aaya raman bhi gussa tha raman mere is vyavhar se aur mujhse bhi.usne do nhi ek chai order ki jb waiter change lene gya to usne us ek foot ka dyra khatam kr ke mera hath tha am liya mano koi button daba diya ho mere ankho ke ashuo band tut gya ho. Raman ne kaha muh dholo thodi der baad hmare liye ek kamra khol diya gya kamre ka darwaza band krte hue mai lipat kr rone lga….
Meri Graduatetion ko 3 saal ho gye finally papa ko Rahul mile hme sath rahte 9 saal ho gye the.rahul bahut achche hai Din me Chahe kitna busy ho lekin ek baar phone kr ke jaroor puchchte the ki maine khana khaya nisant ne khaya ki nhi..Rahul bahut achche hai shayad romantic nhi hai…
Rahul ki photo me dekhne ke baad reality me dekha tha jb ghr pr hmari shaadi me.
Raman ko do seedhiyo pahle hi chhod aaya tha Rahul ke ghr ki jb seedhiya chhadi to.
Rahul ne apni zimmedaari in 9 saalo me bakhoobi nibhai…
Meri duniya me do log hi to the ab ek Rahul aur hmara beta nisant. nisant Rahul pr gya tha achcha hua mujh pr nhi gya.rahul ki tarah hosiyar class me first second hi aata hai..
Rahul ne nisant ko waada kiya tha ki ab ki baar first aaya to ek computer le kr denge wo ziddi aa gya…
Ab TV aur khel nhi sirf computer hi lga rahta hai ek din naste ke waqt kahta hai…
mujhse papa kitne hoshiyar aur aap budhu chalo computer seekho..
To ek din mera Facebook account bna diya gya maine to kah diya tu hi operate kr mujhe nhi aata ye sb..
Abhi 3 din pahle nisant rote hue aaya aur kaha ki apke fb pr kuch tasveere hai..
Mujhe pta tha wahan computer me meri ek yaad ka lamha dikh rha tha ye city heart ke kamre ki tasweer thi zisme mere baal ast vyast aur raman se bahon me mil kr rone ki tasweer me mujhe tag kiya gya tha purani tasweer ko scan kiya tha yaad ka lamha taaza tha… pr jhooth bol rhi thi tasveere…
Kisi anjaan ne kiya tha bahut se hote aise Internet ki duniya me.meri wo pic ek chain ki tarah ek dusre ko bhej rhe the aur has rhe the mai mazak bn chuka tha…
Kanoon ki dharaao me ek ye bhi jiske liye kisi kbhi saza nhi hoti.kisi ka charitra hanan character hasination…
Ye zehar ki sheeshi tumhe bhej rha hu raman pee lena hmne police me report kr di thi nikal pade hai tumhare shehar ki or shayad ye chhithi tumhe jail me mile…
Tumhare jaisa admi mera kuch nhi bigaad sakta Rahul ko sb kuch bta diya maine tum jitne bure ho wo utne hi achche.
Unhone mujhe samajha meri maryada ko samajha meri 9 saal ki tpsya ko samajha….
Tumse alag hone ke baad khud se waada kiya tha ab pyaar nhi karunga pr waada tod kr pyaar krna seekh rha hu…
Tum meri bhool the aur rahul mera pahla pyaar….
Chhithi aur sheeshi pack kr ke post office me de aaya 4 baje gye the deewar pr lgi meri Rahul aur nisant ki lgi tasweer dekh rha tha ankhe nam ho gyi thi..
Mn me ek khyaal tha ma ko sukriya kaha us din mere kaan khechne ke liye.
Aur dusra kitna farq do logo ke pyaar krne ke tareeke me…..
Comments
Post a Comment